«Ազգային շարժման» պատգամավորներ Դավիթ Կիրկիտաձեն, Անա Ծիթլիձեն և Աբդուլլա Իսմայիլովը հացադուլ են սկսում։

Այս մասին րոպեներ առաջ ճեպազրույցում հայտարարեց Դավիթ Կիրկիտաձեն։

Դավիթ Կիրկիտաձեի խոսքով, «սով են հայտարարում այնքան ժամանակ, քանի դեռ Միխեիլ Սաակաշվիլիին չեն տեղափոխել այն երկիր, որտեղ կապահովվի նրա առողջությունը»։

Ըստ նրա՝ հիշյալ քաղաքական ակտի վերաբերյալ խմբակցության ներսում եղել է կարծիքների տարբերություն։

«Վրացական իշխանությունների հրապարակած կադրերով, որտեղ բոլորս տեսանք, թե ինչ են անում վրացական իշխանությունները երկրի երրորդ նախագահին մահվան հասցնելու համար, բնականաբար, ոչ մի քաղաքացի անտարբեր չմնաց, և մենք՝ Վրաստանի նախագահի ընկերներն ու բարեկամները չկարողացանք և չենք էլ կարող անտարբեր դիմակայել այս ամենին։ Այսօր ես և իմ ընկերները, չնայած խմբակցությունում առկա կարծիքների տարբերությանը, որոշում ենք կայացրել, որ քանի դեռ Միխեիլ Սաակաշվիլիին չեն տեղափոխել այն երկիր, որտեղ նրա առողջությունն ապահովված կլինի, մենք հացադուլ ենք հայտարարելու։ Այս քաղաքական ակտի հետ կապված՝ խմբակցության ներսում կար կարծիքների տարբերություն, բայց մենք այս որոշումը կայացրինք։ Ես խորապես համոզված եմ, որ այս քաղաքական ակտը գնալով մեծանալու է ինչպես խորհրդարանի պատերի ներսում, այնպես էլ խորհրդարանի պատերից դուրս։ Ես խորապես համոզված եմ, որ մեր հասարակությունն ունի ավելի քան բավարար պահպանված մարդասիրություն և մենք միասին չպետք է թույլ տանք Վրաստանի երրորդ նախագահի մահը մեր երկրում, մենք չպետք է երկրորդ անգամ մեղսակից դառնանք այս արարքին։ Մենք պատրաստ ենք ամեն ինչ անել սրա համար։ Այս քաղաքական ակտը կլինի այստեղ, ինչպես նաև խորհրդարանի պատերից դուրս»,- ասել է Դավիթ Կիրկիտաձեն։