Ազգային բանկում այսօր տեղի է ունեցել խորհրդի նիստ, որտեղ Վրաստանի Ազգային բանկի փոխնախագահ է ընտրվել Նաթիա Թուրնավան, որն իր հերթին կզբաղեցնի առաջին փոխնախագահի պաշտոնը և, հետևաբար, կլինի նաև նախագահի պաշտոնակատարը։

Խորհրդի յոթ անդամներից հինգը աջակցել են Նաթիա Թուրնավայի թեկնածությունը, երկուսը ձեռնպահ են մնացել։

Նոր պաշտոնը նախատեսված է Ազգային բանկի մասին օրենքում փոփոխություններով, որոնք ուժի մեջ են մտել խորհրդարանի կողմից նախագահի վետոն հաղթահարելուց հետո։

Անցումային շրջանում՝ մինչև խորհրդում փոխնախագահներից մեկի լիազորությունների ավարտը, Ազգային բանկը կունենա չորս փոխնախագահ։

Ներկայում Ազգային բանկի խորհրդի անդամները յոթն են, Սալոմե Զուրաբիշվիլին խորհրդարան է ներկայացրել խորհրդի անդամության ևս երկու թեկնածու, սակայն, ամենայն հավանականությամբ, ինչպես ասում է մեծամասնությունը, նրանք չեն սատարի նախագահի ներկայացրած թեկնածուներին։

Արչիլ Մեստվիրիշվիլին Ազգային բանկի նախագահի պաշտոնը զբաղեցրել է այն բանից հետո, երբ այս տարվա մարտի 2-ին ավարտվել է Կոբա Գվենետաձեի պաշտոնավարման յոթամյա ժամկետը։

Ինչ վերաբերում է Նաթիա Թուրնավային, նա Ազգային խորհրդին անդամակցել է 2022 թվականի հունիսին, իսկ մինչ այդ զբաղեցնում էր Վրաստանի էկոնոմիկայի նախարարի պաշտոնը։