Ազգային բանկի տեղեկատվության համաձայն՝ 2023 թվականի սեպտեմբերին հանրապետություն տրանսֆերտների հոսքերի ծավալը կազմել է 283,9 մլն ԱՄՆ դոլար կամ 751,0 մլն լարի, ինչը 26,7%-ով կամ 103,3 մլն ԱՄՆ դոլարով պակաս է անցած տարվա սեպտեմբերի համանման ցուցանիշից։

Կենտրոնական բանկի տվյալներով՝ արտերկրից Վրաստան փոխանցումների 95,8%-ը բաժին է ընկնում 23 խոշոր գործընկեր երկրներին, որոնցից փոխանցումների ծավալը սեպտեմբերին գերազանցել է 1 մլն ԱՄՆ դոլարը։ Նույն 23 երկրներին բաժին է ընկել անցած տարվա սեպտեմբերին բոլոր տրանսֆերտների 94,4%-ը։

Ըստ տրանսֆերտների վիճակագրության՝ ամենամեծ գումարը՝ 59,47 մլն ԱՄՆ դոլար, փոխանցվել է Ռուսաստանի Դաշնությունից։ Երկրորդ տեղում Իտալիան է՝ 43,29 մլն ԱՄՆ դոլար։ Երրորդ տեղում ԱՄՆ-ն է՝ 41,25 մլն ԱՄՆ դոլար, չորրորդում՝ Գերմանիան՝ 21,14 մլն ԱՄՆ դոլար, հինգերորդում՝ Հունաստանը՝ 20,49 մլն ԱՄՆ դոլար։

2023 թվականի սեպտեմբերին Վրաստանից արտերկիր է ուղարկվել 28,9 մլն դոլար, այսինքն՝ 76,5 մլն լարի, ինչը 9,5 տոկոսով պակաս է 2022 թվականի սեպտեմբերի համանման ցուցանիշից։