Վրաստանի Ազգային բանկի հաշվետվության համաձայն՝ բանկային հատվածում տեղաբաշխված ոչ բանկային ավանդների ծավալը 2023 թվականի հունիսի վերջի դրությամբ կազմել է 46,79 մլրդ լարի, ինչը 1,31 մլրդ լարիով կամ 2,88%-ով ավելի է նախորդ ամսվա վերջի ցուցանիշից։

Ըստ ԿԲ տվյալների՝ հունիսին նախորդ ամսվա համեմատ ժամկետային ավանդները նվազել են 1,50 մլն լարիով կամ 0,01%-ով, իսկ ցպահանջ ավանդներն աճել են 1,31 մլրդ լարիով կամ 4,74%-ով։

Ազգային բանկի հաշվետվության համաձայն՝ ավանդների լարիացման հարաբերակցությունը 2023 թվականի հունիսի վերջի դրությամբ կազմել է 49,23 տոկոս։ Նախորդ ամսվա վերջի համեմատ ավանդների գործակիցը նվազել է 0.28 տոկոսային կետով։

Բացի այդ, ըստ Ազգային բանկի տվյալների, հունիսին ժամկետային ավանդների տարեկան միջին կշռված շուկայական տոկոսադրույքը կազմել է 8,45%, այդ թվում՝ ազգային արժույթով ավանդների 10,91%, արտարժութային ավանդների 1,47%:

Արտարժութային ավանդներում ԱՄՆ դոլարի բաժինը կազմել է 78,36%, իսկ եվրոյինը՝ 19,17%։