Ազգային բանկի հաշվետվության համաձայն՝ բանկային հատվածում ոչ բանկային ավանդների ծավալը 2022 թվականի հունվարի 1-ի դրությամբ կազմել է 37,16 մլրդ լարի, ինչը 1,42 մլրդ լարիով կամ 3,96%-ով գերազանցում է դեկտեմբերի 1-ի ցուցանիշը։

Զեկույցի համաձայն՝ դեկտեմբերին նախորդ ամսվա համեմատ ժամկետային ավանդներն ավելացել է 191,41 մլն լարիով կամ 1,25%-ով, իսկ ցպահանջ ավանդներն աճել են 1,22 մլրդ լարիով կամ 6,00%-ով։

Վրաստանի Ազգային բանկի տվյալներով, ավանդների լարիզացման գործակիցը ընթացիկ տարվա հունվարի 1-ին կազմել է 40,04 տոկոս։ Դեկտեմբերի 1-ի իրավիճակի համեմատ ավանդների լարիզացիան աճել է 0,54 տոկոսային կետով։

Միաժամանակ, ժամկետային ավանդների միջին տարեկան շուկայական տոկոսադրույքը դեկտեմբերին կազմել է 6,37%, այդ թվում՝ 11,23% ազգային արժույթով և 0,82% արտարժույթով ավանդների համար։ Արտարժութային ավանդներում դոլարի բաժինը կազմել է 82,89%, իսկ եվրոյինը՝ 15,63%։