Վրաստանի Ազգային բանկի տվյալներով՝ 2021 թվականի դեկտեմբերին առևտրային բանկերի կողմից տրված վարկերի ծավալը նախորդ ամսվա համեմատ աճել է 1,63 մլրդ լարիով կամ 3,93%-ով և այս տարվա հունվարի 1-ի դրությամբ կազմել 43,03 մլրդ լարի։

Ըստ Կենտրոնական բանկի տվյալների՝ նույն ժամանակահատվածում ազգային արժույթով տրամադրված վարկերի ծավալն աճել է 685,88 մլն լարիով կամ 3,35%-ով, իսկ արտարժույթով տրամադրված վարկերի ծավալն աճել է 941,36 մլն լարիով կամ 4,50%-ով։

2021 թվականի դեկտեմբերի վերջին, ըստ Ազգային բանկի տվյալների, առևտրային բանկերը ռեզիդենտ իրավաբանական անձանց ազգային արժույթով տրամադրել են 6,92 մլրդ լարի, ինչը 5,29%-ով ավելի է նախորդ ամսվա համեմատ, և 13,69 մլրդ լարի արտարժույթով, ինչը 4,66 տոկոսով ավել է նախորդ ամսվա համեմատ:

Նրանց փոխանցմամբ՝ ռեզիդենտ տնային տնտեսությունների հատվածի վարկավորման ծավալը նախորդ տարվա դեկտեմբերին աճել է 3,10%-ով կամ 646,57 մլն լարիով եւ այս տարվա հունվարի 1-ի դրությամբ կազմել 21,52 մլրդ լարի։

Այս տարվա հունվարի 1-ի դրությամբ ընդհանուր վարկերի լարիզացման գործակիցը կազմել է 49,16 տոկոս՝ 2021 թվականի դեկտեմբերի 1-ի համեմատ նվազելով 0,28 տոկոսային կետով։