Թբիլիսիի քաղաքապետարանի շրջակա միջավայրի պահպանության ծառայությունը սկսել է Ազատության հրապարակի Պուշկինի պուրակի վերականգնումը։

Ընթացիկ աշխատանքներին մայրաքաղաքի քաղաքապետ Կախա Կալաձեն ծանոթացել է փոխքաղաքապետ Անդրիա Բասիլայայի հետ միասին։

«Պուշկինի պուրակում վերականգնողական աշխատանքներ ենք սկսել։ Գործող տարածքը շատ վատ վիճակում էր։ Ուզում ենք հիմնովին վերանորոգել հրապարակը՝ սալիկներն ամբողջությամբ կփոխվեն, ինչպես նաև հնարավորինս կտնկվեն ծառեր և բույսեր, կփոխվի լուսավորության համակարգը։ Այս հին, դասական լամպերը շատ համահունչ են առկա տարածքին, այնուամենայնիվ, դրանք պետք է վերականգնվեն և թարմացվեն։ Տարածքը ամբողջությամբ կբարեկարգվի։ Հաջորդ տարի մենք նախատեսում ենք ամբողջությամբ վերականգնել Ռուսթավելի պողոտան իր ստորգետնյա կոմունիկացիաներով, և քանի որ Պուշկինի պուրակը Ազատության հրապարակի կենտրոնական տարածքներից է, այն նույնպես ամբողջությամբ կվերանորոգվի»,- ասաց Կախա Կալաձեն։

Թբիլիսիի քաղաքապետարանից հայտնել են, որ վերականգնողական աշխատանքների շրջանակներում տարածքում կկազմակերպվեն լրացուցիչ կանաչ տարածքներ։ Կկազմակերպվի արտաքին լուսավորության համակարգ և լրացուցիչ կտեղադրվի տեսահսկման համակարգ։

Շինարարական աշխատանքների արժեքը 800 000 լարի է։ Վերականգնողական աշխատանքները նախատեսվում է ավարտել այս տարվա հոկտեմբերի վերջին։