Այսօր խորհրդարանը կքննարկի «Հայրենասերներ դաշինքի» ցուցակի երեք անդամների պատգամավորական լիազորության ճանաչման հարցը
Այսօր Վրաստանի խորհրդարանը կքննարկի «Հայրենասերներ դաշինքի» ցուցակի երեք անդամների՝ Դավիթ Զիլֆիմիանիի, Գելա Միքաձեի և Ֆրիդոն Ինջիայի պատգամավորական լիազորության ճանաչման հարցը: Կենտրոնական ընտրական հանձնաժողովն արդեն դիմել է խորհրդարանական ընթացակարգային հարցերի կոմիտեին:
Վրաստանի առաջին ալիքի փոխանցմամբ, ԿԸՀ-ի կողմից ներկայացրած փաստաթղթերը կքննարկվեն խորհրդարանական ընթացակարգային հարցերի կոմիտեի կողմից այսօր առավոտյան, իսկ նյութերի համապատասխանության դեպքում տեղեկատվությունը կներկայացվի բյուրոյին:
Նախօրեին ԿԸՀ են դիմել Դավիթ Զիլֆիմիանին, Ֆրիդոն Ինջիան և Գելա Միքաձեն՝ իրենց պատգամավորական մանդատն օգտագործելու խնդրանքով:
«Հայրենասերների դաշինքը» խորհրդարանական ընտրություններում ձեռք բերեց չորս տեղ: Իրմա Ինաշվիլին, Գիորգի Լոմիան և Գոչա Թևդորաձեն հրաժարվել են մտնել խորհրդարան: Երեկ դադարեցվել է նրանց լիազորությունների ժամկետը: Ինչ վերաբերում է կուսակցության ձեռք բերված չորրորդ մանդատին, «Հայրենասերների դաշինք»-ի խորհրդարանական ցուցակի չորրորդ համարը՝ Ավթանդիլ Էնուքիձեն, ասաց, որ չի պատրաստվում հրաժարվել պատգամավորական մանդատից և մտադիր է մտնել խորհրդարան: