Արտաքին քաղաքականության մասին բանաձեւի նախագծի համար առաջին ընթերցմամբ կքվեարկեն այսօր Վրաստանի խորհրդարանի լիագումար նիստում, իսկ մինչ այդ բանաձեւի նախագիծը կքննարկվի Եվրոպային ինտեգրման եւ արտաքին հարաբերությունների կոմիտեներում:

Պատգամավորների կարծիքով, խորհրդարանական մեծամասնության կողմից պատրաստված փաստաթղթի հիմնական նպատակը օկուպացված տարածքները ապաբռնազավթումը ու խնդրի խաղաղ կարգավորումն է: «Վրացական երազանքի» անդամները նախատեսում են մոբիլիզացնել միջազգային հանրության աջակցությունը արտաքին ասպարեզում երկրի ազգային շահերը պաշտպանելու համար:

«Մեկ շաբաթ առաջ խորհրդարանում նախաձեռնված արտաքին քաղաքականության մասին բանաձեւն այսօր արդեն քննարկվելու է լիագումար նիստում: Այս բանաձեւը նախանշում է այն հիմնական ուղղություններն ու առաջնահերթությունները, որոնք Վրաստանը կունենա արտաքին քաղաքականության ոլորտում առաջիկա չորս տարիների ընթացքում: Իհարկե, այստեղ առաջին տեղում երկրի ապաբռնազավթումը և տարածքային ամբողջականության խաղաղ վերականգնումն է: Միևնույն ժամանակ, ուրվագծվում են ԵՄ-ին ինտեգրման ուղղությամբ մեր ունեցած բավականին հստակ նպատակները: Մասնավորապես, երկիրը նախապատրաստում ենք, որ  2024 թվականին ներկայացնենք դիմու: Նաև՝ ՆԱՏՕ-ին անդամակցելու համար ռազմավարական պատրաստակամության ապահովում: Նաև մեծ ուշադրություն է դարձվում տարածաշրջանում ընթացիկ իրադարձություններին, Թուրքիայի, Ադրբեջանի հետ մեր ռազմավարական գործընկերությանը, բարիդրացիական հարաբերություններին Հայաստանի հետ, ինչպես նաև Սև ծովի ներուժի առավելագույն յուրացմանը Ուկրաինայի, Ռումինիայի, Բուլղարիայի հետ: Իհարկե, մեծ ուշադրություն է դարձվում ԱՄՆ-ի հետ հարաբերությունների խորացմանը, որպես Վրաստանի թիվ մեկ ռազմավարական գործընկեր՝ ինչպես պաշտպանության, անվտանգության, այնպես էլ տնտեսական և ժողովրդավարացման տեսանկյունից», – ասաց խորհրդարանի արտաքին հարաբերությունների հանձնաժողովի նախագահ Նիկոլոզ Սամխարաձեն: