Այսօր Թբիլիսիի, Ռուսթավիի և Մցխեթայի բաժանորդների համար սահմանվելու է ջրի սակագինը
10:32, 28.12.2017
Վրաստանի էներգետիկայի և ջրամատակարարման կարգավորող ազգային հանձնաժողովն այսօր հանրային նիստին քննարկելու է ջրամատակարարման սակագների հարցը:
Ջրամատակարարման սակագներ են սահմանվել «Ջորջիան ուոթեր էնդ փաուերսին», «Ռուսթավի ծղալիին» և «Մցխեթա ծղալիին»: Համապատասխանաբար, հայտնի կդառնա սակագինը Թբիլիսիի, Ռուսթավիի և Մցխեթայի բաժանորդների համար:
Բացառված չէ, որ սակագինը ավելանա, քանի որ ջրամատակարարման ցանցում նախատեսված են կարևոր ներդրումներ:
Հիշեցնենք, որ հունվարի 1-ից «Թելասի»-ի և «Էներգո պրո Ջորջիա»-ի բաժանորդների համար ավելանում է էլեկտրաէներգիայի սակագինը:
