Զուրաբ Քուրցիկիձեին վերջին ճանապարհին ուղեկցել են ընտանիքի անդամները, ընկերներն ու գործընկերները։ Զուրան վերջին հինգ տարիներին եղել է Վրաստանի Առաջին ալիքի ֆոտոլրագրող։ Նրա բազմաթիվ լուսանկարներ, որոնք պատկերում են կարևոր իրադարձությունները, մնացել են մեր արխիվում։ Գրեթե ամենուր՝ թեժ կետում, Զուրան իր լուսանկարչական օբյեկտիվով էպիկենտրոնում էր։ Միաժամանակ աշխատել է «European Press International Agency EPA» գործակալությունում։ Լուսաբանել է կարևոր իրադարձություններ ինչպես Վրաստանում, այնպես էլ արտերկրում։ Լուսաբանել է 2008 թվականի օգոստոսյան պատերազմը, Ռուսաստան-Ուկրաինա պատերազմը, Եվրամայդանի իրադարձությունները, Բեսլանի ահաբեկչությունը և այլն։

Զուրաբ Քուրցիկիձեն այն լուսանկարիչներից էր, ովքեր ձերբակալվել էին 2011 թվականի հուլիսի 7-ին՝ լրտեսության մեղադրանքով։ Այնուհետեւ Քուրցիկիձեն իրեն մեղավոր է ճանաչել, ինչպես ավելի ուշ ասել է, ճնշումների արդյունքում։ Նա տարիներ շարունակ պայքարել է իր անմեղությունն ապացուցելու համար։ Ի վերջո, դատարանը հաստատել է, որ Քուրցիկիձեն և մյուս լուսանկարիչները անմեղ են, իսկ դատախազությանը պարտավորեցրել են փոխհատուցում վճարել կեղծված գործի պատճառով։ Ինչպես նշեցին ֆոտոլրագրողները, նրանց ձերբակալության դրդապատճառը 2011 թվականի մայիսի 26-ի հանրահավաքը ճնշելու և այն ժամանակ տեղի ունեցած իրադարձությունները պատկերող լուսանկարների տարածումն էր միջազգային ատյաններում։