Այսօր լինելու է կարևորագույն օր, ոչ միայն վրաց ժողովրդի, այլ անձամբ եվրոպական դատարանի համար. Վրաստանի պետության բրիտանացի փաստաբան
Ստրասբուրգի մարդու իրավունքների եվրոպական դատարանում, գործով՝ «Վրաստանը Ռուսաստանի դեմ (գործ II)» վրացական կողմի փաստաբան Բեն Էմերսոնը հայտարարում է, որ մայիսի 23-ը կարևորագույն օր է, ոչ միայն վրաց ժողովրդի, այլ անձամբ եվրոպական դատարանի համար:
Նրա խոսքերով, առաջին անգամ է, երբ Ստրասբուրգի դատարանը դատելու է զինված հակամարտության շրջանակներում, մարդու իրավունքների ծանր և մասսայական խախտումների փաստերը:
«Մենք, դատավորները, իրավաբանները և երկու կողմն էլ լավ ենք գիտակցում այն ծանր պատասխանատվությունը, որը կրելու ենք: Այս գործընթացում մեզ աջակցել են արդարադատության նախարարության իրավաբանների հիանալի թիմը, որը մեզ հետ միասին աշխատել է այն ապացույցների հայտնաբերման վրա, որոնք պետք է ապահովեին դատարանի լրիվ պատրաստակամությունը արդար արդյունքի հասնելու համար, և հենց դրա հույսն ունենք մայիսի 23-ի դատական նիստից»,-հայտարարել է Բեն Էմերսոնը:
Ստրասբուրգի մարդու իրավունքների եվրոպական դատարանում, գործով՝ «Վրաստանը Ռուսաստանի դեմ (գործ II)» վերջին լսումները տեղի են ունենալու այսօր: Նիստը սկսվելու է Թբիլիսիի ժամանակով ժամը 11:00-ին: Միջպետական վեճը քննարկում է Ստրասբուրգի դատարանի մեծ պալատը, որը կոմպլեքտավորված է 17 երկրներից, այդ թվում Վրաստանից և Ռուսաստանից ընտրված դատավորներով: Մեծ պալատը ղեկավարում է մարդու իրավունքների եվրոպական դատարանի նախագահ Գվիդո Ռայմոնդը (Իտալիա): Վրաստանը Ռուսաստանին մեղադրում է եվրոպական հռչակագրի 8 հոդվածի խախտման մեջ:
Առաջին ալիքի նկարահանող խումբը գտնվում է Ստրասբուրգում և մարդու իրավունքների եվրոպական դատարանից մեզ է փոխանցելու վերջին լուրերը: