Այսօր Բրյուսելում տեղի կունենա ԵՄ առաջնորդների գագաթնաժողովը
Այսօր Բրյուսելում տեղի կունենա ԵՄ առաջնորդների գագաթնաժողովը։
Երկօրյա գագաթնաժողովի շրջանակներում առաջնորդները կխոսեն Եվրոպայի պաշտպանության ուժեղացման մասին։ Գլխավոր թեման լինելու է Ուկրաինայում շարունակվող պատերազմը։
Ինչպես նշվում է Եվրախորհրդի մամուլի հաղորդագրության մեջ, զրույցի ընթացքում կքննարկվեն նաև Մերձավոր Արևելքում տիրող իրավիճակը, միգրացիան և գյուղատնտեսության ոլորտում առկա խնդիրները։
«Եվրամիությունը կշարունակի քաղաքական, ֆինանսական, տնտեսական, հումանիտար, ռազմական և դիվանագիտական աջակցություն ցուցաբերել Ուկրաինային այնքան ժամանակ, որքան անհրաժեշտ կլինի։ Մինչ այժմ Եվրամիությունը և նրա անդամ երկրները 138 միլիարդ եվրոյի աջակցություն են ցուցաբերել Ուկրաինային»,- ասվում է Եվրոպական խորհրդի մամուլի հաղորդագրության մեջ։
Ինչպես հայտնի է, գագաթնաժողովում քննարկվելու է նաև ԵՄ ընդլայնման քաղաքականությունը, իսկ ավելի կոնկրետ՝ խոսակցությունը վերաբերելու է Ուկրաինային, Մոլդովային և Բոսնիա-Հերցեգովինային։