Այսօր բռնազավթված գոտու մոտ եմ, որպեսզի հիշեցնեմ Ռուսաստանի կառավարությանը, որ աշխարհը չի մոռացել 2008 թվականի իրադարձությունները. Վես Միտչել
Այսօր բռնազավթված գոտու մոտ եմ, որպեսզի հիշեցնեմ Ռուսաստանի կառավարությանը, որ աշխարհը չի մոռացել 2008 թվականի իրադարձությունները,- այս մասին հայտարարել է Եվրոպական և եվրասիական հարցերով Ամերիկայի պետքարտուղարի տեղակալ Վես Միտչելը՝ բռնազավթված գոտու մերձակայքում գտնվող Օձիս գյուղում, որտեղ նա այսօր գտնվում էր Վրաստանի արտաքին գործերի նախարար Միխեիլ Ջանելիձեի հետ:
Նրա խոսքով, ԱՄՆ-ը չի ճանաչում վարչական սահմանը, որպես միջազգային սահման:
«10 տարի առաջ այստեղ պատերազմ է եղել և ես այսօր այստեղ եմ, որպեսզի հիշեցնեմ Ռուսաստանի կառավարությանը, որ աշխարհը չի մոռացել այս իրադարձությունները: Մենք չենք ճանաչում վարչական սահմանը, որպես միջազգային սահման: Մեզ շատ է անհանգստացնում վրացիների անվտանգության վիճակը, որոնք բնակվում են այստեղ, գոտու այն կողմում:
Դատապարտում ենք ցանկացած գործողություն, որը վերաբերում էր Վրաստանի քաղաքացիների ձերբակալմանը, կտտանքների ենթարկելու, սպանությանը և ցավակցում ենք այդ մարդկանց ընտանիքներին»,- հայտարարել է Միտչելը:
Նրա խոսքով, ԱՄՆ-ը կոչ է անում Ռուսաստանին, կատարել 2008 թվականի հրադադարի պայմանագրով ստանձնած պարտականությունները: