Այսօր բացվելու է Քութաիսիի միջազգային համալսարանը (KIU): Բացման արարողությանը ուսանողներին ողջունելու են Քութաիսիի միջազգային համալսարանի պատվավոր նախագահը, պրոֆեսոր Վոլֆգանգ Հերմանը և համալսարանի ռեկտոր, պրոֆեսոր Ալեքսանդրե Թևզաձեն:

Քութաիսիի միջազգային համալսարանը (KIU)  ներառում է ուսանողների և անձնակազմի համար կացարաններ, ակադեմիական շենքեր, գրադարան, սրճարաններ, ներքին և արտաքին ժամանցային տարածքներ, էլեկտրոտրանսպորտ, հեծանվային ուղիներ: Համալսարանն առաջին հոսքին կընդունի երեք ուղղություններով – մաթեմատիկա, համակարգչային գիտություններ և մենեջմենթ, իսկ ապագայում մասնագիտությունների թիվը կավելանա:

Բացի այդ, Քութաիսիի միջազգային համալսարանը միացել է Յուլիխի հետազոտական կենտրոնի հետ համագործակցության պայմանագրին:

Քութաիսիի միջազգային համալսարանն ուսանողների որոշ կատեգորիայի ուսման վարձը կվճարի:

Քութաիսիի միջազգային համալսարանը հիմնադրել է Բիձինա Իվանիշվիլին և նրա ընտանիքն իրականացրել է մեկ միլիարդ եվրոյի ներդրում:

Քութաիսիի միջազգային համալսարանում բացման արարողությունը կայանալու է 13:00-ին: