Այսօր, 23:00-ից մինչև օգոստոսի 17-ի 09:00-ն չի աշխատի Թբիլիսիի քաղաքապետարանի թեժ գիծը

12:02, 16.08.2019

Տեխնիկական աշխատանքների պատճառով այսօր, 23:00-ից ամբողջությամբ կանջատվի Թբիլիսիի քաղաքապետարանի սերվերային ենթակառուցվածքը: Այս մասին նշված է մայրաքաղաքի քաղաքապետարանի հայտարարությունում:

Նրանց տեղեկությամբ, մինչև օգոստոսի 17-ի 09:00-ն չի աշխատի մունիցիպալ թեժ գիծը:

«Այս ընթացքում քաղաքապետարանի հեռակա սպասարկման ծառայության աշխատակիցները իրենց անձնական հեռախոսներով կապի մեջ կլինեն միայն պարեկային և արտակարգ իրավիճակների կառավարման ծառայության հետ»,- նշված է հայտարարությունում:

Թբիլիսիի քաղաքապետարանը հայցում է քաղաքացիների ներողամտությունը:

Հեղինակ - Anna Badalian

Հասարակական