Այս փուլում հեռակա ուսուցմամբ գործում է 201 դպրոց և 304 առանձին դասարան
Այս փուլում հեռակա ուսուցմամբ գործում է 201 դպրոց և 304 առանձին դասարան

Հաշվի առնելով համաճարակային իրավիճակը՝ դպրոցներում վիրուսի կառավարման նկատմամբ հսկողությունն իրականացվում է հնարավորինս խստորեն,- ասված է ԿԳՆ հաղորդագրության մեջ։

Գերատեսչության տվյալներով՝ կովիդի հայտնաբերման դեպքում, ներքին տարածումը կանխելու նպատակով, դպրոցները դեռ գործում են առողջապահության ոլորտի ներկայացուցիչներից ստացված հանձնարարականի համաձայն, և առանձին դասարան կամ դպրոց անմիջապես անցնում է հեռավար ուսուցման։

Նախարարության տվյալներով՝ այս փուլում հեռակա ուսուցմամբ գործում է 201 դպրոց և 304 առանձին դասարան։ Վրաստանում ռիսկային խմբի 125 ուսուցիչներ ցանկություն են հայտնել ուսուցումն անցկացնել հեռավար ձևաչափով։

Ներկայումս պատվաստվել է ուսուցիչների և դպրոցի տնօրինության ներկայացուցիչների 73.6%-ը։

«Վրաստանի կրթության և գիտության նախարար Միխեիլ Չխենկելիի որոշմամբ՝ նախարարությունը կրկին թույլ է տալիս աշակերտների ծնողներին ընտրություն կատարել ներկա և հեռավար ուսուցման միջև։ Առցանց ուսուցման հայտը կարող եք լրացնել/չեղարկել online.emis.ge հղումով ամեն հինգշաբթի ժամը 00:00-18:00-ն ընկած ժամանակահատվածում:

Հանրակրթական հաստատություններին տրամադրվում են համապատասխան ախտահանիչ լուծույթներ, շնչադիմակներ, ջերմաչափող սարքեր և ախտահանիչ պատնեշներ։

Վրաստանի կրթության և գիտության նախարարությունը վիրուսի կանխարգելման նպատակով շարունակում է համակարգված մոնիտորինգը դպրոցներում՝ ուսուցիչների և աշակերտների համար անվտանգ միջավայր ապահովելու համար»,- ասված է հաղորդագրությունում։

Թողնել մեկնաբանություն