Ախոնդրոպլազիա ախտորոշմամբ երեխաների ծնողները կառավարության աշխատակազմի մոտ ակցիա են անցկացնում։ Նրանք պահանջում են հանդիպում վարչապետի հետ եւ լուծում դեղորայքի ֆինանսավորման հարցին։

Ծնողների խոսքով, արդեն չորրորդ ամիսն է, ինչ հանրահավաքներ են անում, սակայն Վրաստանի առողջապահության նախարարից սպառիչ պատասխաններ չեն ստացել, իսկ Իրակլի Ղարիբաշվիլիին կոչ են անում հետաքրքրվել նշված հարցով։

Այսօր այդ հարցը խորհրդարանում քննարկվել է Վրաստանի առողջապահության նախարարի հետ։ Հանդիպումը դռնփակ էր, ներկա էին նաև ծնողները։ Ինչպես հանդիպումից հետո ասաց առողջապահության նախարար Զուրաբ Ազարաշվիլին, ոչ մի երկիր չի ֆինանսավորում այս դեղամիջոցը։ Ինչ վերաբերում է ախտորոշիչ կամ հոգեբանական աջակցությանը, ապա, ըստ նրա, այս առումով պետությունը պատրաստ է օգնել։

Ախոնդրոպլազիա ախտորոշված ​​երեխաների ծնողներն ասում են, որ նրանք գիշերելու են կառավարության աշխատակազմի մոտ: