Ախալցխայի շրջանային դատարանը լիովին բավարարել է դատախազության միջնորդությունը և Ախալքալաքում տեղի ունեցած խուլիգանության և հրաձգության փաստով ձերբակալվածներ Ս.Պ.-ին և Ա.Մ.-ին խափանման միջոց սահմանել կալանքը:

Հետաքննությամբ պարզվել է, որ 2020 թվականի մարտի 26-ին, Ախալքալաքի սրճարաններից մեկի մոտ Ս.Պ.-ն և Ա.Մ.-ն բռնության գործողություններով և նման գործողություններ սպառնալով, հրաձիգից և ձայնային ատրճանակից մի քանի անգամ կրակելով արտահայտել են հասարակության նկատմամբ ակնհայտ անարգանք և կոպիտ խախտել հասարակական կարգը:

«Իրավապահները Ս.Պ.-ին և Ա.Մ.-ին ձերբակալել էին մարտի 28-ին՝ խուլիգանության հոդվածով: Նրանց դեմ ներկայացված մեղադրանքները ենթադրում են 4-7 տարվա ազատազրկում»,- ասվում է դատախազության տեղեկության մեջ:

Հետաքննությունը շարունակվում է: