Վրաստանի Տարածաշրջանային զարգացման և ենթակառուցվածքների նախարարության ճանապարհների դեպարտամենտի նախագահ Գիորգի Ծերեթելին և նրա տեղակալ Պավլե Գամղրելիձեն ծանոթացել են Կախեթիի շրջանի վերականգնողական ավարտված և ընթացիկ ծրագրերին։ Տեղեկությունը տարածում է ավտոճանապարհների վարչությունը։

Գերատեսչության տվյալներով՝ 2022 թվականին Կախեթիի շրջանում, բացի մայրուղիների շինարարությունից, ընթացքի մեջ է եղել 26 նախագիծ՝ 140 մլն լարի ընդհանուր արժողությամբ, որից ութն ավարտվել է։

Ընդհանուր առմամբ, վերականգնվել է մինչև 60 կմ ավտոճանապարհ, վերականգնվել է մեկ կամուրջ և իրականացվել 1,2 կմ երկարությամբ մեկ ամբարտակային ծրագիր։

Նշված նախագծերի շրջանակներում վերականգնվել են այնպիսի կարևոր ճանապարհահատվածներ, ինչպիսիք են՝ Գումբաթի-Խիրսա-Էնամթա-Սամթածղարո-Սաբաթլո ճանապարհի 26 կմ հատվածը, Թիանեթի-Ախմետա կապող ճանապարհը, Թիանեթի-Ախմետա-Ղվարելի-Նինիգորի ճանապարհի 11 կմ հատվածը: Զեմո Խոդաշեն-Ալավերդի միացնող ճանապարհի մինչև 12 կմ հատված, Փշավելի-Աբանո-Օմալո ճանապարհային երթեւեկության անվտանգության բարելավման նախագիծը և այլն։

Նշված նախագծերը կմեծացնեն Կախեթիի տարածաշրջանի զբոսաշրջային ներուժը, կնպաստեն տնտեսության հետագա զարգացմանը, իսկ տեղի բնակչությունը կկարողանա օգտվել ժամանակակից չափանիշներով հագեցած անվտանգ և հարմարավետ ճանապարհներից»,- ասվում է գերատեսչության հաղորդագրության մեջ։