Վրաստանի Տարածաշրջանային զարգացման և ենթակառուցվածքների նախարարության ավտոճանապարհների դեպարտամենտից հայտնում են, որ աշխատանքներ են տարվում Քութայիսի (Ճոմա)-Ալպանա-Մամիսոն լեռնանցքի 107-րդ կմ-ի և Սաչխերեն-Ռաճային միացնող մայրուղու կապի բարելավման ուղղությամբ։ Ճանապարհների դեպարտամենտից հայտնում են, որ այս տարվա օգոստոսի 26-ին նշված հատվածում տեղի է ունեցել փոքր զանգվածի հողի փլուզում, որից հետո անվտանգության նկատառումներից ելնելով շուրջօրյա մշտադիտարկում է իրականացվել, և երթեւեկությունն իրականացվել է միայն մեկ գոտում:

«Դիտարկմանը հետևելով պարզվել է, որ ճանապարհի մակերևույթի ճաքերն ավելացել են, ուստի որոշում է կայացվել ճանապարհի ճաքած հատվածն արհեստականորեն քանդել՝ ավտոտրանսպորտային միջոցների անվտանգ երթևեկությունն ապահովելու նպատակով։ Ավտոմոբիլային երթևեկության արգելքի մասին տեղեկությունը տարածել է Ճանապարհների վարչությունը՝ սկսած այսօր առավոտից՝ մինչ աշխատանքների մեկնարկը։ Տեղեկություններ են տարածվում, որ դեպքը տեղի է ունեցել Սաչխերեն Ռաչային կապող նոր ճանապարհին, ինչը չի համապատասխանում իրականությանը։ Միջպետական նշանակության Քութայիսի (Ճոմա)-Ալպանա-Մամիսոն լեռնանցքում առկա ավտոճանապարհի 107-րդ կմ-ում ընթացող աշխատանքների շրջանակում քանդվել է ճանապարհի մի հատված։ Այս հատվածն արդեն իսկ վատ վիճակում էր, և այդ պատճառով նախատեսվում էին վերականգնողական աշխատանքներ։

Միջպետական նշանակության Քութայիսի (Ճոմա)-Ալպանա-Մամիսոն լեռնանցքի 107-րդ կմ-ում աշխատանքների ընթացքում բոլոր տեսակի ավտոմեքենաների տեղաշարժը ժամանակավորապես սահմանափակ է։ Նախատեսվում է մինչև օրվա վերջ վերականգնել երթևեկությունը»,- ասված է ավտոճանապարհների դեպարտամենտի տեղեկատվության մեջ։