Ավտոմեքենաներում հնարավոր է պարտադիր դառնա այնպիսի սարքի տեղադրումը, որը ալկոհոլային հարբածության դեպքում վարորդին թույլ չի տա միացնել մեքենան
Ճանապարհային անվտանգության 2026-2030 թվականների ռազմավարության համաձայն՝ հնարավոր է պարտադիր դառնա ավտոմեքենայում այնպիսի սարքի տեղադրումը, որը ալկոհոլային հարբածության դեպքում վարորդին թույլ չի տա միացնել մեքենան:
Ռազմավարության համաձայն՝ երկրում աստիճանաբար կներդրվեն հատուկ տեխնիկական միջոցներ, որոնք կբացահայտեն թմրանյութային հարբածությունը:
«Ոչ սթափ վիճակում ավտոմեքենա վարելու կանխարգելման համար միջազգային փորձը ցույց է տալիս, որ արդյունավետ է ինտեգրված, բազմակողմանի մոտեցումը, որը համադրում է ինչպես հստակ իրավական կարգավորումները, այնպես էլ դրանց գործնական կիրառումը:
Հաշվի առնելով նշվածը՝ կշարունակվի այն կանխարգելիչ և իրավախախտի վրա կողմնորոշված միջոցառումների իրականացումը, որոնք կապահովեն ոչ սթափ վիճակում գտնվող վարորդների արդյունավետ հայտնաբերումը, համապատասխան իրավական արձագանքումը և վարորդների իրազեկվածության բարձրացումը: Միևնույն ժամանակ, հատուկ ուշադրություն կդարձվի թմրանյութային հարբածության վիճակում ավտոմեքենա վարելու հետ կապված իրավախախտումների հայտնաբերման հնարավորությունների ուժեղացմանը, այդ թվում՝ երկրի մասշտաբով թմրամիջոցների հայտնաբերման հատուկ տեխնիկական միջոցների աստիճանական ներդրմանը և Վրաստանի ներքին գործերի նախարարության աշխատակիցների վերապատրաստմանը՝ նման վիճակում գտնվող վարորդների նույնականացումը բարելավելու նպատակով:
Ինչպես նաև, կշարունակվի աշխատանքը տեխնոլոգիական նորարարությունների ներդրման ուղղությամբ, ինչպիսին է ավտոմեքենայում այսպես կոչված «ալկոհոլային արգելափակման սարքերի» (Alcohol Interlocks) իմպլեմենտացիան, որոնք վարորդին թույլ չեն տալիս գործարկել տրանսպորտային միջոցի շարժիչը այն դեպքում, եթե նրա օրգանիզմում ալկոհոլի պարունակությունը գերազանցում է օրենսդրությամբ թույլատրելի նորման: Ուստի, Վրաստանի շուկայում ավտոմեքենայի տեղադրման համար համապատասխան ստանդարտի սահմանման ժամանակ նախատեսվում է հաշվի առնել վերոնշյալ բաղադրիչը», – նշված է Ճանապարհային անվտանգության 2026-2030 թվականների ազգային ռազմավարությունում: