Ավստրիայի կանցլերն ասում է, որ Ուկրաինային պետք է տրվի ԵՄ թեկնածուի կարգավիճակ այն պայմանով, եթե մյուս դիմորդներին ևս տրվի այն

Ավստրիայի կանցլեր Կառլ Նեհամերի խոսքով՝ ԵՄ-ի թեկնածուի կարգավիճակը պետք է տրամադրվի Ուկրաինային՝ պայմանով, որ մյուս դիմորդները՝ Արևմտյան Բալկանների երկրները և Մոլդովան, նույնպես կստանան այդ կարգավիճակը։ Ավստրիական լրատվամիջոցների փոխանցմամբ՝ այս մասին նա ասել է Տալլինում Էստոնիայի վարչապետ Կայա Կալլայի հետ կայացած մամուլի ասուլիսում։

«Ավստրիայի համար «պայման» կա, որ եթե Ուկրաինան թեկնածուի կարգավիճակ ստանա, նույնը վերաբերում է Արևմտյան Բալկաններին և Մոլդովայի Հանրապետությանը», – ասել է Նեհամերը։

Նեհամերը բացատրել է, որ առաջարկը եղել է ոչ թե իրենից, այլ Ֆրանսիայի նախագահ Էմանուել Մակրոնի կողմից։ Լրատվամիջոցների տեղեկությունների համաձայն, նա նաև կոչ է արել «արդարություն ցուցաբերել այս քննարկման մեջ» և անվանել «ամենավատ օրինակu՝ Թուրքիայի թեկնածուի կարգավիճակը, որը տևեց 59 տարի»: Իսկ այժմ պաշտոնական Անկարան թեկնածուի կարգավիճակ ունի 1999 թվականից, երբ 1987 թվականին ներկայացրեց ԵՄ անդամակցության իր երկրորդ դիմումը։ Բացի Թուրքիայից, ԵՄ չորս այլ թեկնածուներ են՝ Հյուսիսային Մակեդոնիան, որը դիմում է ներկայացրել 2004 թվականին, Մոնտենեգրոն, որը դիմում է ներկայացրել 2008 թվականին, Ալբանիան և Սերբիան, որոնք դիմումներ են ներկայացրել 2009 թվականին։