Վրաստանում Ավստրիայի դեսպան Թոմաս Մյուլմանը հայտարարում է, որ սահմանափակումների խստացումը կարևոր է համաճարակը հաղթահարելու համար: Ավստրիայի դեսպանը Վրաստանի Առաջին ալիքի հետ զրույցում նշեց, որ երկրներն անցնում են կորոնավիրուսի երկրորդ ալիքի միջով, և ոչ ոք չգիտի, թե ինչն է արդյունավետ, ինչը արդյունք կտա:

«Մենք դժվար ժամանակաշրջանում ենք ապրում և անցնում ենք կորոնավիրուսի երկրորդ ալիքի միջով: Կառավարությունները ձեռնարկում են համապատասխան միջոցներ: Ոչ ոք չգիտի, թե ինչն է արդյունավետ և ինչը արդյունք կտա: Չնայած սահմանափակումներին, վարակվածների թիվն աճում է ինչպես Վրաստանում, այնպես էլ՝ Ավստրիայում:

Կարևոր է, որ բոլորը հետևեն հանձնարարականներին: Հուսով ենք, որ միասին կհաղթահարենք այս ճգնաժամային շրջանը:

Այն, ինչ տեղի է ունենում Ավստրիայում, շատ նման է Վրաստանում զարգացած իրադարձություններին: Համաճարակի սկզբում կարգապահությունը համեմատաբար ավելի պաշտպանված էր, չնայած հետագայում մարդիկ հոգնեցին: Այս մարտահրավերը հաղթահարելու համար կարևոր է պահպանել խստացված սահմանափակումները:

«Ավստրիայում մարդիկ քիչ թե շատ պահպանում են այս կանոնները, քանի որ գիտեն, որ դա վիրուսի արդյունավետ դեմ պայքարի միակ միջոցն է», – Վրաստանի Առաջին ալիքին հայտնեց Թոմաս Մյուլմանը: