Ավստրիայի դաշնային կանցլեր Կարլ Նեհամերն այսօր պաշտոնական այցով կայցելի Վրաստան։ Այս մասին տեղեկություն է տարածում կառավարության աշխատակազմի մամուլի ծառայությունը։
Նրանց տեղեկություններով՝ Ավստրիայի դաշնային կանցլերի դիմավորման պաշտոնական արարողությունը տեղի կունենա կառավարության աշխատակազմում։
Ավելի ուշ Վրաստանի վարչապետ Իրակլի Ղարիբաշվիլին և Ավստրիայի դաշնային կանցլեր Կառլ Նեհամերը հանդես կգան մամուլի համար համատեղ հայտարարություններով։