Ավստրիայի արդարադատության դաշնային նախարար. Շնորհակալություն եմ հայտնում Ռատի Բրեգաձեին՝ արժեքավոր փորձը կիսելու համար
Ավստրիայի արդարադատության դաշնային նախարար Ալմա Զադիչը սոցցանցում արձագանքել է Վրաստանի արդարադատության նախարար Ռատի Բրեգաձեի հետ ստորագրված հուշագրին։ Նշված տեղեկությունը տարածում է ԱՆ մամուլի ծառայությունը։
Ինչպես գրում է Զադիչը, Վրաստանն ու Ավստրիան ավելի ակտիվ կհամագործակցեն արդարադատության ոլորտում։
«Այսօր իմ վրացի գործընկեր Ռատի Բրեգաձեի հետ ստորագրեցինք համագործակցության հուշագիր։ Հետագայում մեր երկրներն ավելի ակտիվ կհամագործակցեն արդարադատության ոլորտում։ Նպատակներից է արդարադատության ոլորտում ԵՄ չափանիշների ներդրումն ու օրենքի գերակայության ամրապնդումը։ Մենք աջակցում և օգնում ենք Վրաստանին Եվրամիության հետ ինտեգրման գործընթացում։ Շնորհակալություն ձեր արժեքավոր փորձը կիսելու համար»,- գրել է Զադիչը։
Վրաստանի արդարադատության նախարարն ավստրիացի գործընկերոջ հետ համագործակցության հուշագիր է ստորագրել։ Այս փաստաթուղթն ապահովում է Վրաստան-Ավստրիա փոխադարձ համագործակցության ամրապնդում արդարադատության, օրենքի գերակայության և մարդու իրավունքների պաշտպանության ոլորտում։
Երկու երկրների միջև գործընկերային հարաբերությունների խորացումը ներառում է բջջային և էլեկտրոնային պետական ծառայությունների փորձի փոխանակում, դատապարտյալների վերականգնում-ռասոցիալականացում, քրեակատարողական հիմնարկում սպորտային, կրթական և զբաղվածության ծրագրերի կառավարում։
Տեղեկությունը տարածում է արդարադատության նախարարության մամուլի ծառայությունը։