Եվրահանձնաժողովը և ԵՄ արտաքին քաղաքականության և անվտանգության քաղաքականության գերագույն հանձնակատարը տարեկան զեկույց են հրապարակել Վրաստանի կողմից 2020 թվականի ընթացքում Ասոցացման համաձայնագրի կատարման վերաբերյալ, որում ներկայացված են երկրում իրականացվող բարեփոխումները մի շարք ոլորտներում:

Փաստաթղթում եզրակացվում է, որ չնայած Covid-19 համաճարակային ճգնաժամին, Վրաստանը համառորեն հետապնդում է իր ընտրած եվրոպական ուղուն: Զեկույցում նշվում է, որ երկիրը հաջողությամբ շարունակել է կատարել Ասոցացման համաձայնագրով նախատեսված իր պարտավորությունները, ներառյալ ԵՄ օրենսդրության հետ մերձեցումը և մարդու իրավունքների պաշտպանության եվրոպական ստանդարտների ներդրումը:

ԵՄ-ն վերահաստատում է իր կայուն աջակցությունը երկրի տարածքային ամբողջականությանը միջազգայնորեն ճանաչված սահմաններում և խոսում է հակամարտության կարգավորման գործընթացում իր ակտիվ ներգրավվածության մասին: Զեկույցը շեշտում է նաև «Քայլ դեպի ավելի լավ ապագա» կառավարության խաղաղարար նախաձեռնությունը, որը բարձր գնահատականի է արժանացել և աջակցվել է Եվրամիության կողմից: Զեկույցը դրական է գնահատում երկրի բարելավված վիճակագրությունը ԵՄ արտաքին և անվտանգության քաղաքական հայտարարություններին միանալու տեսանկյունից՝ նշելով դիրքորոշումների համընկնումը արտաքին քաղաքականության հարցերի վերաբերյալ:

Զեկույցը մանրամասնում է նաև 2020 թվականի աշնանը տեղի ունեցած խորհրդարանական ընտրությունները, որոնք միջազգային դիտորդների կարծիքով, տեղի են ունեցել մրցակցային պայմաններում, որտեղ հիմնարար ազատությունները հիմնականում պաշտպանված էին: Միևնույն ժամանակ, զեկույցը դրական է գնահատում ընտրական օրենսդրության փոփոխությունները, որի արդյունքում 2020 թ. խորհրդարանական ընտրություններն անցան նոր համակարգով, և երկիրը հաստատուն կերպով ընթանում է մինչև 2024 թվականը լրիվ համամասնական համակարգին անցնելու ճանապարհին: Զեկույցը նաև հաստատում է, որ Վրաստանում մեդիա-միջավայրը բազմակարծիք և մրցակցային է՝ չնայած բարձր բևեռացվածությանը:

Այս զեկույցում խոսվում է կառավարության բարեփոխումների մասին մի շարք ոլորտներում, ներառյալ ժողովրդավարության և ընտրական օրենսդրության ամրապնդումը, մարդու իրավունքները, արդարությունը, կոռուպցիայի և կազմակերպված հանցավորության դեմ պայքարը, սահմանների կառավարումը, անձնական տվյալների պաշտպանությունը, պետական ​​կառավարումը, տնտեսական զարգացումը և առևտուրը և մրցակցությունը:

Զեկույցում քննարկվում են նաև համաճարակի հետևանքով երկրի առջև ծառացած տնտեսական և ֆիսկալ մարտահրավերները: Այնուամենայնիվ, զեկույցում նշվում է, որ Վրաստանը հաջող դիրքեր է պահպանել միջազգային վարկանիշային աղյուսակում, այդ թվում, Համաշխարհային բանկի գնահատմամբ, գործարար միջավայրի տեսանկյունից 190 երկրների թվում երկիրը յոթերորդն է, իսկ աշխարհում բիզնեսի հեշտությամբ երկրորդը:

Զեկույցը շեշտում է, որ չնայած առևտրի կրճատմանը, ԵՄ-ն, որպես մեկ առևտրային բլոկ, շարունակում է մնալ Վրաստանի ամենամեծ առևտրային գործընկերը, և որ երկիրը շարունակում է ջանքերը՝ ճանաչելու վրացական արտադրանքը ԵՄ շուկայում:

Տեղեկատվությունը տարածում է Վրաստանի արտաքին գործերի նախարարության մամուլի ծառայությունը: