Վրաստանի ՆԳՆ արտակարգ իրավիճակների կառավարման ծառայությունը ամբողջ գիշեր հսկել է անտառների և մարգագետինների հրդեհների յոթ օջախները: Նրանց խոսքով, նրանցից ոչ մեկի մոտ բարդություն չի առաջացել, և լույսը բացվելուն պես հրշեջ-փրկարարները վերսկսել են աշխատանքը բոլոր ուղղություններով:

Գերատեսչության տվյալներով, այս պահին իրավիճակը վերահսկվում է ամենուր, բնակչությանը վտանգ չի սպառնում, այս ընթացքում անտառային ու դաշտային հրդեհների արդյունքում ոչ ոք չի տուժել:

«Գոյություն ունեցող յոթ օջախներից երեքը տեղայնացված են, իսկ մարման աշխատանքները շարունակվում են: Հրդեհներ են մնացել Սամեգրելոյում, Ռաճա-Լեչխումիում և Շիդա Քարթլիում:

Յոթ օջախներից չորսը Սամեգրելոյում են, դրանցից մեկը տեղայնացված է և լուծարման աշխատանքներ են ընթանում, տեղայնացման աշխատանքներ են ընթանում երեքում:

Ծալենջիխայում կա երկու օջախ՝ Սքուրի գյուղում, մեկը՝ Փախուլանի գյուղում, և մեկը՝ Մարտվիլիում, Դոբարազենի գյուղում:

Ռաճա-Լեչխումիում մնացել է երկու օջախ, որոնցից մեկը տեղայնացված է: Սահմանային ոստիկանության ուղղաթիռը կմնա Օնիում և անհրաժեշտության դեպքում կմասնակցի մարման աշխատանքներին:

ՆԳՆ արտակարգ իրավիճակների կառավարման ծառայությունը բնակչությանը կոչ է անում զերծ մնալ դաշտերում ու վարելահողերում խոտ այրելուց:

«Արեւմտյան Վրաստանում ուժեղ քամի է ու չոր եղանակ, ինչը խանգարում է հրշեջներին հրդեհները մարելուն: Դաշտում և վարելահողերում այրվող խոտը կարող է հրդեհների տարածման պատճառ դառնալ ինչպես տների, այնպես էլ անտառների վրա», – ասում են Արտակարգ իրավիճակների կառավարման ծառայությունում: