Առողջապահության նախարարության մոտ Էկատերինե Տիկարաձեի հրաժարականի պահանջով տեղի է ունեցել ցույց:

«Շարժում հանուն Վրաստանի» անդամները պահանջում էին հանդիպում առողջապահության նախարարի հետ, սակայն նրանց հանդիպեց փոխնախարար, Գիորգի Ծոծկոլաուրին:

Րոպեներ անց ցուցարարները ի նշան բողոքի տապալեցին հանդիպումը: Նրանց խոսքով, պատճառն այն էր, որ իրենց թույլ չեն տվել նկարահանել:

«Մենք պահանջեցինք հանդիպում նախարարի հետ, որպեսզի նրան ասենք, որ չի կարող կառավարել համավարակը, պատասխանատվություն վերցներ ու հրաժարական տար: Փոխնախարար Գիորգի Ծոծկոլաուրին համաձայնեց հանդիպմանը և չորս ներկայացուցիչներ մտանք նրա հետ հանդիպելու: Մենք պահանջեցինք, որ լրագրողները ներկա լինեն հանդիպմանը, կամ մեզ թույլ տան հեռախոսով նկարահանվել, ինչը փոխնախարարը կտրականապես մերժեց: Դրանից հետո մենք որոշեցինք ցուցադրաբար լքել հանդիպումը: Հետևաբար, հանդիպումը ձախողվեց, քանի որ մենք ունենք կառավարության կողմից չափազանցված տեքստերի փորձ: Մենք կշարունակենք ցույցերը, պահանջները կլինեն կատեգորիկ: Մենք կշարունակենք նաև գիշերել խորհրդարանի առջև»,- հայտարարել է «Շարժում հանուն Վրաստանի» անդամ Լաշա Խուսկիվաձեն: