«Վրացական երազանք» կուսակցության նախագահ Իրակլի Կոբախիձեն սոցիալական ցանցում ամփոփում է կուսակցության նախագահի պաշտոնում իր մեկ տարվա աշխատանքը։

Կոբախիձեի խոսքով, «Վրացական երազանքը» հաղթելով ինքնակառավարման ընտրություններում էլ ավելի է ամրապնդել իր լեգիտիմությունը։

«Երեկ՝ հունվարի 16-ին, լրացավ ուղիղ մեկ տարին, ինչ ես դարձա «Վրացական երազանք»-ի նախագահ։ Մեկ տարի անց մենք ունենք հետևյալ արդյունքները՝ արհեստական ​​քաղաքական ճգնաժամն ավարտվեց, մենք համոզիչ հաղթանակ տարանք տեղական ինքնակառավարման մարմինների ընտրություններում, և «Վրացական երազանքն» էլ ավելի ամրապնդեց իր լեգիտիմությունը. Երկիրն ունի արժանի վարչապետ, արժանի խորհրդարանի նախագահ, մայրաքաղաքի արժանի քաղաքապետ և իշխող թիմ՝ համախմբված ինչպես երբեք։

Արմատական ​​ընդդիմությունը, որի առաջնորդը արժանի պատիժ է կրում, ծայրահեղ թուլացել է և այլևս չունի պետության հզորությանը սպառնալու կարողություն. Իշխող թիմը պաշտպանում է ազգային շահերը, պետական ​​ու խորհրդարանական ինքնիշխանությունը, կառավարությունն ապահովել է երկնիշ տնտեսական աճ։ Ուրախ եմ, որ կուսակցության նախագահի պաշտոնից իմ ներդրումն ունեցա այս արդյունքների հասնելու գործում»,- գրել է Կոբախիձեն սոցցանցում։