Վրաստանի փոխվարչապետ, էկոնոմիկայի և կայուն զարգացման նախարար Լևան Դավիթաշվիլիի հայտարարությամբ, 2021 թվականը երկրի պատմության մեջ ռեկորդային է եղել առևտրի առումով, և կարևոր է, որ դրական միտումը շարունակվել է 2022 թվականի հունվարին։

«Հունվարի արտաքին առևտրի վերաբերյալ նախնական, բավականին լավ տվյալներ են հրապարակվել, որտեղ արտահանումը զգալիորեն աճել է՝ 47,6 տոկոսով և կազմել 331,3 մլն դոլար։ Ներմուծումը նույնպես աճել է 38,5 տոկոսով և կազմել 778,1 մլն դոլար։ Ընդհանուր առմամբ, արտաքին առևտրաշրջանառությունը 2022 թվականի հունվարին եղել է ռեկորդային բարձր մակարդակում՝ հասնելով 1,109,4 միլիոնի»,- հայտարարել է Լևան Դավիթաշվիլին։

Նրա խոսքով, երկրի տնտեսության կայուն վերականգնման առումով և ներդրողների համար շատ կարևոր է նաև վարկանիշային FITCH ընկերության ուղերձը, ըստ որի Վրաստանը պահպանել է կայուն ինքնիշխան վարկանիշը՝ «BB»:

«Գիտեք, որ վարկանիշի հիմնական որոշիչը արժանահավատ, արդյունավետ քաղաքականությունն էր, և ամենակարևորը, թե ինչու մենք կայուն «BB» վարկանիշը պահպանեցինք, ուժեղ կառավարման ցուցանիշներ էին, ինչը վկայում է նաև տնտեսության վերականգնման մասին»,- ասել է Լևան Դավիթաշվիլին: