Այսօրվա որոշմամբ Ստրասբուրգի դատարանը հաստատել է, որ Նիկանոր Մելիայի նկատմամբ որպես խափանման միջոց կալանավորումը և ազատազրկումը օրինական են և լիովին համապատասխանում են Եվրոպական կոնվենցիայի չափանիշներին։

Ինչպես նշել են նախարարությունից, դատարանը հստակ հաստատել է, որ Նիկանոր Մելիայի ձերբակալության մեջ քաղաքական դրդապատճառներ չկան և չի կիսել դիմումատուի փաստարկները։

«Ինչպես հանրությանը հայտնի է, 2019 թվականի հունիսյան հանրահավաքի ժամանակ Նիկանոր Մելիայի գլխավորությամբ և անմիջական մասնակցությամբ հանրահավաքին հավաքված քաղաքացիների մի մասը փորձել է ներխուժել խորհրդարան։ Հաշվի առնելով վերոգրյալը՝ նրան մեղադրանք է առաջադրվել խմբակային բռնություն կազմակերպելու, ղեկավարելու և մասնակցելու համար և որպես խափանման միջոց է կիրառվել գրավը 30.000 լարիի չափով։ Դատարանը կարգադրել է նրան էլեկտրոնային հսկողություն իրականացնել։

2020 թվականի նոյեմբերի 1-ին Նիկանոր Մելիան՝ ի նշան բողոքի, հանել է էլեկտրոնային մոնիթորինգի թեւնոցը՝ խախտելով գրավի դրույթները։ Ըստ այդմ, Թբիլիսիի քաղաքային դատարանը գրավի չափն ավելացրել է 40 հազար լարիով։ Քանի որ Նիկանոր Մելիան հրաժարվել է գրավը վճարել, դատարանի որոշմամբ նա փոխարինվել է խափանման միջոցով՝ ազատազրկմամբ։ Գրավի գումարը ի պահ դնելուց հետո նա ազատ է արձակվել 2021 թվականի մայիսի 10-ին»,- ասված է Վրաստանի արդարադատության նախարարության տարածած տեղեկատվության մեջ։

Գերատեսչությունը նշում է, որ Եվրոպական դատարանը լիովին համաձայնել է արդարադատության նախարարության փաստարկին (ներկայացված ապացույցների հետ միասին) և համարել, որ դիմումատուի նկատմամբ Եվրոպական կոնվենցիայի որևէ հոդված չի խախտվել։

Մարդու իրավունքների եվրոպական դատարանն այսօր հրապարակել է «Նիկա Մելիան ընդդեմ Վրաստանի» գործով որոշումը։