Վրաստանի արդարադատության նախարար Պաատա Սալիան հանդիպել է Վրաստանում Հայաստանի դեսպան Աշոտ Սմբատյանի հետ։

Նախարարության տեղեկությամբ, կողմերը քննարկել են արդարադատության ոլորտում համագործակցության հարցեր։ Ընդգծվեց վրաց-հայկական իրավական ֆորումի կարևորությունը երկու երկրների իրավական ոլորտների ներկայացուցիչների միջև փորձի փոխանակման համար։

«Հանդիպման ընթացքում քննարկվել են նաև Վրաստանի և Հայաստանի արդարադատության նախարարությունների միջև ապագա համագործակցության ուղղությունները»։

Պաատա Սալիան Աշոտ Սմբատյանին ծանոթացրեց նաև Վրաստանի արդարադատության նախարարության գործունեության ոլորտներին և առաջնահերթություններին։«Նախարարը պատրաստակամություն հայտնեց Թբիլիսիում հյուրընկալել իր հայ գործընկերոջը», – ասվում է Վրաստանի արդարադատության նախարարության հաղորդագրության մեջ։

Հանդիպմանը մասնակցել է արդարադատության փոխնախարար Բեքա Ձամաշվիլին։