Վրաստանի խորհրդարանի նախագահ Արչիլ Թալակվաձեն գտնվում էր Վրաստանի քաղաքացի Զազա Գախելաձեի ընտանիքում, որը Շիդա Քարթլիի Քվեմո Ճալա գյուղում ապօրինաբար բերման ենթարկվեց օկուպացված Ցխինվալի դե ֆակտո իշխանությունների կողմից:
Արչիլ Թալակվաձեն Գախելաձեի ընտանիքի անդամներին այցելել է Գորիի և Կասպիի մեծամասնական պատգամավոր Գիորգի Խոջևանիշվիլիի, կուսակցության ներկայացուցչի և տեղական ինքնակառավարման մարմինների ներկայացուցիչնեի հետ:
Խորհրդարանի մամուլի ծառայության հաղորդմամբ, Արչիլ Թալակվաձեն խորհրդարանի անունից հաստատել է իր լիակատար աջակցությունը Զազա Գախելաձեի ընտանիքին: Խորհրդարանի նախագահը հայտարարել է, որ Վրաստանի իշխանությունը ջանք չի խնայում և իր ձեռքի տակ եղած բոլոր լծակներն օգտագործում է ապօրինի կալանավորված համաքաղաքացուն ազատելու համար: Իրենց հերթին, Զազա Գախելաձեի ընտանիքի անդամները հույս են հայտնել, որ իշխանության ջանքերը արդյունք կտան, և Զազա Գախելաձեն շուտով ազատ կարձակվի: