Խորհրդարանի փոխխոսնակ Արչիլ Թալակվաձեն հայտարարում է, որ Բադրի Ջափարիձեի, Շալվա Նաթելաշվիլիի և Էլենե Խոշտարիայի պատգամավորական մանդատի դադարեցման վերաբերյալ ազատ քվեարկություն չի լինի, և «Վրացական երազանքը» թիմային որոշում կկայացնի։

Ինչպես լրագրողներին ասել է Թալակվաձեն, խոսվում է ընդդիմության այն անդամների մանդատները դադարեցնելու մասին, ովքեր ամիսներ շարունակ պահանջում էին խորհրդարանին դադարեցնել իրենց մանդատները, իսկ այսօր իշխող թիմին մեղադրում են, որ մանդատների չեղարկումը «Վրացական երազանքի» ցանկությունն է:

«Իրենց պատգամավորական լիազորությունների դադարեցման պատճառը, ըստ էության, իրավական հիմքն է։ Մեզ ամիսներ շարունակ քննադատում էին մանդատները չդադարեցնելու համար, և դա դիտվում էր որպես քաղաքական հարձակման կամ մեր իրավունքների ոտնահարման օրինակ։ Այսօր հակառակն են ասում, որ եթե իշխանությունը չեղարկի մանդատները, դա կլինի քաղաքական հետապնդում։ Սա աբսուրդ է, քաղաքական հետապնդում չկա։ Ճշմարտությունն այն է, որ կան իրավական հիմքեր, որպեսզի խորհրդարանը որոշում կայացնի մանդատների դադարեցման մասին։ Մի դեպքում՝ Էլենե Խոշտարիայի և Շալվա Նաթելաշվիլիի դեպքում, դրա պատճառը նիստերից բացակայելն է, մյուս դեպքում՝ դատարանի որոշումը»,- ասել է Թալակվաձեն։