Մեր եվրոպացի գործընկերների հետ մենք կիրականացնենք այն բարեփոխումները, որոնք հիմք կհանդիսանան Վրաստանի՝ Եվրամիությանն անդամակցելու համար, ասել է խորհրդարանի փոխխոսնակ Արչիլ Թալակվաձեն։

Ինչպես նշեց Թալակվաձեն, մենք մի քանի օր առաջ ստացել ենք թեկնածուի կարգավիճակ, և ընդդիմությունն արդեն կշտամբանքով խոսում է ապագա ծրագրերի մասին։

«Մենք այն քաղաքական թիմն ենք, որն ասել է, որ գործընթացը շարունակվելու է թեկնածուի կարգավիճակ ստանալուց հետո։ Մեր պատրաստած ծրագիրը քննարկվում է Եվրամիության հետ միասին։ Հաջորդ փուլը ժամանակ է պահանջում, և մենք չպետք է կեղծ ակնկալիքներ ստեղծենք։ Հիմա ընդդիմությունը հենց դա է անում։ Մի քանի օր առաջ մենք ստացել ենք թեկնածուի կարգավիճակ, իսկ ընդդիմությունն արդեն կշտամբանքով է խոսում ապագա ծրագրերի մասին։ Անգամ ասում են, որ ապագայի պլանը պետք է կատարվի և չսպասենք ապագային, ինչը անլուրջ է և շահարկվող։ Ամեն ինչ իր ժամանակն ունի։ Մեր եվրոպացի գործընկերների հետ մենք կիրականացնենք այն բարեփոխումները, որոնք հիմք կհանդիսանան Վրաստանի՝ Եվրամիությանն անդամակցելու համար»,- ասել է Թալակվաձեն։