Հասարակությունը պետք է իմանա, թե ինչու ենք մենք ընդունել այս օրենքը, ընդունել ենք, որպեսզի մեր երկրի ապագան, մեր քաղաքացիների անվտանգությունը երաշխավորված ու պաշտպանված լինի, և ոչ ոք թույլ չտա մեր երկրում ընտրությունները շրջանցելով, ապակայունացնելով փորձել ինչ-որ բանի հասնել,- ասել է «Վրացական երազանքի» անդամ Արչիլ Թալակվաձեն։

Թալակվաձեի խոսքով, այս տարիների ընթացքում ոչ ոք ակցիա անցկացնելու խնդիր չի ունեցել։

«Ոչ ոք խնդիր չուներ իր բողոքն արտահայտելու, բայց իշխանությունը հնարավորություն չի տա այն խմբերին, որոնք ցանկանում են հասարակության անկեղծ բողոքը վերածել քաոսի ու ապակայունացման։ Բոլոր նրանք, ովքեր դեմ են այս օրենքին և կարծում են, որ Վրաստանին վաղը անվտանգություն, կայունություն և խաղաղություն պետք չէ, մեր քաղաքացիների առողջական վիճակն ու կյանքը պետք է պաշտպանված լինեն հանրահավաքների ժամանակ, այս մարդիկ դեմ են հենց այս օրենքին։ Ինչ վերաբերում է վետոյին, ապա փաստարկները բացարձակապես անբավարար են, պատճառ չկա, որ այս օրենքը մնա անկատար, ուստի մենք կդիտարկենք այն և որոշում կկայացնենք վետոն մեծամասնականով հաղթահարելու մասին»,- ասել է Թալակվաձեն։

Հոկտեմբերի 19-ին Սալոմե Զուրաբիշվիլին վետո է դրել «Հավաքների եւ դրսեւորումների մասին» օրենքում փոփոխությունների վրա։