Արչիլ Թալակվաձե. Գիորգի Գախարիայի հետ մրցակցության հարցը կախված կլինի նրանից, թե ինչ կուսակցություն կձևավորի և որ քաղաքական հարթակը կընտրի, ավելի շատ նյարդայնանալու առիթ ընդդիմությունը կունենա
Ինչ վերաբերում է Գիորգի Գախարիային և նրա հետ մրցակցելուն, դա հիմնականում կախված կլինի նրանից, թե նա ինչ կուսակցություն կստեղծի, հարցերը չափազանց շատ են, և այս հարցերի պատասխանները պետք է տրվեն: Կարծում եմ, ավելի շատ նյարդայնանալու առիթ ընդդիմությունը կունենա, ովքեր հրաժարվեցին խորհրդարանում լինելուց, ընտրեցին փողոցը, – ասաց խորհրդարանի նախագահ Արչիլ Թալակվաձեն:
Նա ասաց, որ երբ ընդդիմությունը կորցնում է իր տեղը, այս տեղը հաստատ ուրիշներն են զբաղեցնում:
«Որպես խորհրդարանի խոսնակ՝ ես շնորհակալ եմ և գնահատում եմ այն վերաբերմունքը, որ պատգամավորներն ինձ նախապես տեղեկացրեցին իրենց որոշման մասին: Ինչ վերաբերում է Գիորգի Գախարիային և նրա հետ մրցակցելուն, դա հիմնականում կախված կլինի նրանից, թե նա ինչ կուսակցություն կստեղծի, ով կլինի իր թիմում և ինչ քաղաքական հարթակ կընտրի: Հարցերը չափազանց շատ են, և այս հարցերի պատասխանները պետք է տրվեն: Կարծում եմ, ավելի շատ նյարդայնանալու առիթ ընդդիմությունը կունենա, ովքեր հրաժարվեցին խորհրդարանում լինելուց, ընտրեցին փողոցը: Փողոցի նախագիծը սնանկ է, քանի որ հասարակությունը չի աջակցում դրան: Դա այն է, ինչ տեղի է ունենում քաղաքականության մեջ, երբ ընդդիմությունը կորցնում է իր տեղը, այդ տեղը գրավում են ուրիշները, կլինի դա Գիորգի Գախարիան թե ոչ, ցույց կտա հաջորդ գործընթացը», – ասաց Թալակվաձեն:
Միևնույն ժամանակ, ըստ խորհրդարանի նախագահի, ոչ հետևողական էր Գիորգի Գախարիայի կողմից ցուցաբերված վերաբերմունքը դժվար որոշումների կայացման ընթացքում և թիմի նկատմամբ:
«Պարզ ասած՝ սա այն հարցը չէ, որին մենք հիմա պետք է պատասխանենք գեղարվեստական էպիտետներով: Եվս մեկ անգամ կրկնում եմ, որ դժվար որոշում կայացնելու ընթացքում և թիմի նկատմամբ Գիորգի Գախարիայի ցուցաբերած վերաբերմունքը անհամապատասխան էր, այսօր, երբ նա իր ընկերներին դուրս բերեց մեծամասնությունից, ևս մեկ անգամ ապացուցվեց, որ այն ժամանակ դա իրոք ոչ հետևողական վերաբերմունք էր:
Բոլորը կսեցին ճեպազրույցը, խոսեցին այն խնդիրների մասին, որ բևեռացում կա, խոսեցին աղքատության և այլ տնտեսական խնդիրների մասին: Ես մեկ անգամ ևս ուզում եմ հասարակությանը ասել, որ մենք, ամբողջ թիմը, պատասխանատու ենք այս խնդիրների լուծման համար, ներառյալ ձեռքբերումներն ու մարտահրավերները, որոնք այսօր առկա են երկրում, և այսօր այդ մարդիկ դուրս են եկել այդ պատասխանատվությունից և նշում են, որ նրանք մտահոգված են այս հարցով՝ լքելով խորհրդարանական մեծամասնությունը: Սա, համենայն դեպս, պահանջում է նրանց կողմից հետևյալ հարցերի պատասխանները: Այս հարցերը կունենա հասարակությունը, լրատվամիջոցները և կլինեն նաև քաղաքական քննարկման թեմա», – ասաց Արչիլ Թալակվաձեն:
Խորհրդարանում կայացած ճեպազրույցում հայտնի էր դարձել, որ Գիորգի Խոջևանիշվիլին, Բեքա Լիլուաշվիլին, Անա Բուչուկուրին, Ալեքսանդր Մոծերելիան, Միխեիլ Դաուշվիլին և Շալվա Կերեսելիձեն կշարունակեն աշխատել որպես անկախ պատգամավորներ: «Գիորգի Գախարիայի հետ համատեղ որոշմամբ, վեց պատգամավոր կտեղափոխվեն կուսակցության կառուցման նոր փուլ», – ասաց Գիորգի Խոջևանիշվիլին:
