Վրաստանի խորհրդարանի փոխխոսնակ Արչիլ Թալակվաձեն արձագանքել է Վրաստանի նախագահ Սալոմե Զուրաբիշվիլիի հայտարարությանը, թե ինքը վետո է դրել լսումների հետ կապված օրենքի նախագծի վրա։

Արչիլ Թալակվաձեի խոսքով, օրինագիծը քննարկվել է բոլոր շահագրգիռ կողմերի հետ, ներկայացվել ու կիսվել են բավարար փաստարկներ։

Թալակվաձեի խոսքերով, քանի որ փոփոխությունների համար կան բավարար փաստարկներ, հարցը խորհրդարան վերադարձնելուց հետո կրկին աջակցող որոշում կկայացվի։

«Ճիշտ է, այս օրինագիծը երկու-երեք տարի քննարկվել է բոլոր շահագրգիռ կողմերի հետ, բավական փաստարկներ են ներկայացվել ու կիսվել, որ այս փոփոխություններն այսօր ուղղակիորեն վերաբերում են Վրաստանի առջև ծառացած անվտանգության մարտահրավերներին։ Հետեւաբար՝ այս դեպքում, իհարկե, անհասկանալի է, թե ինչու է կիրառվել վետոն։ Վետոյից հետո օրինագիծը և հարցը վերադարձվում են խորհրդարան։ Մենք արդեն մեկ անգամ աջակցել և ընդունել ենք այս փոփոխությունները խորհրդարանում։ Քանի որ այս փոփոխությունների համար կա պատշաճ փաստարկ, բնականաբար, հաջորդ նստաշրջանում, երբ հարցը կվերադարձվի խորհրդարան, մենք կքննարկենք այն և կրկին աջակցող որոշում կկայացնենք»,- ասել է Արչիլ Թալակվաձեն։

Վրաստանի նախագահ Սալոմե Զուրաբիշվիլին վետո է դրել լսումների հետ կապված օրենքի նախագծի վրա։