Ուկրաինայի պատերազմից հետո պատժամիջոցներ կիրառվեցին Ռուսաստանի և Բելառուսի նկատմամբ, Ազգային բանկը հետևում է այդ պատժամիջոցների պահպանմանը, ինչը կարևոր է երկրի մակրոտնտեսական կայունության համար, ասել է Ազգային բանկի նախագահի պաշտոնակատար Արչիլ Մեստվիրիշվիլին։

Նրա խոսքով, ֆինանսական հատվածը, հատկապես խոշոր խաղացողները, ինչպես նաև Ազգային բանկը, շատ լուրջ մոտեցում ունեն պատժամիջոցների պաշտպանության հարցում։

«Փողերի լվացման եւ ահաբեկչության ֆինանսավորման դեմ պայքարի առումով Ազգային բանկը ֆինանսական ոլորտում վերահսկում է այս օրենքը։ Այս առումով անցած տարին շատ ակտիվ էր, որից ամենակարեւորը միջազգային պատժամիջոցների պահպանման ապահովումն էր։

Ինչպես գիտեք, ուկրաինական պատերազմի սկսվելուց հետո Ռուսաստանի և Բելառուսի նկատմամբ նոր պատժամիջոցներ կիրառվեցին Եվրամիության, Ամերիկայի և Բրիտանիայի կողմից։ Ֆինանսական հատվածի համար մեր կողմից պահանջվել է, որ այդ պատժամիջոցները պետք է հստակ պահպանվեն։ Ազգային բանկը վերահսկում է այդ պատժամիջոցների պահպանումը, և դա շատ կարևոր է երկրի մակրոտնտեսական կայունության համար։ Հակառակ դեպքում, մենք կարող ենք հայտնվել երկրորդական պատժամիջոցների վտանգի տակ, ինչը շատ ծանր կլինի մեր ֆինանսական հատվածի և հետագայում՝ տնտեսության համար։

Հետևաբար, ֆինանսական հատվածը, հատկապես, իհարկե, խոշոր խաղացողները, ինչպես նաև Ազգային բանկը, շատ լուրջ մոտեցում ունեն այդ պատժամիջոցների պաշտպանության հարցում»,- ասել է Արչիլ Մեստվիրիշվիլին։