Առաջիկա տարիներին նախատեսում ենք բիզնեսի հետ զարգացնել նաև տեղական արտադրությունը մոտ 2,5 մլրդ դոլլար ներդրումով. Իրակլի Ղարիբաշվիլի
«Մեր կողմից իրականացված ծրագրերի արդյունքում տնկվել է 6400 հա նոր խաղողի այգի և մոտ 13000 հա պտղատու այգի, նկատի ունեմ բազմամյա մշակաբույսեր», – ասել է Վրաստանի վարչապետ Իրակլի Ղարիբաշվիլին Լագոդեխիի քաղաքապետարանում:
Կառավարության ղեկավարի խոսքով ՝ այս ծրագրերը ընդհանուր առմամաբ ունեն մոտ 50 հազար շահառու ՝ ֆերմեր: «Ֆինանսավորվել է 1700 սառնարանային տնտեսություն, ավելի քան 1000 արտադրական սարքավորում : Առաջիկա տարիներին, բացի գյուղատնտեսության ուղղությունից, իրական տեղական արտադրության զարգացման ուղղությամբ նախատեսում ենք բիզնեսի հետ զարգացնել նաև տեղական արտադրությունը մոտ 2,5 մլրդ դոլլար ներդրումով: Այս ծրագրերի շրջանակներում կֆինանսավորվի ավելի քան 1300 նոր ձեռնարկություն: Ընդհանուր առմամբ, դա կհանգեցնի մոտավորապես 100 000 նոր աշխատատեղերի ստեղծմանը: Միայն «Արտադրի’ր Վրաստանում» ծրագրի շրջանակներում վերջին 5 տարում ստեղծվել է մոտ 20 000 աշխատատեղ և կատարվել է մոտ 1 մլրդ լարի ներդրում: Սրանք իրական փաստեր են, որոնք ես ուզում եմ ևս մեկ անգամ հիշեցնել մեր ժողովրդին», – ասել է վարչապետը: