Վրաստանի Ազգային բանկի տվյալներով՝ 2022 թվականի ապրիլին նախորդ տարվա համեմատ միջազգային այցելուների թիվն աճել է 160,1 տոկոսով։

Ըստ նրանց՝ զբոսաշրջիկների թիվը կազմել է ընդհանուր այցելուների 85,0 տոկոսը և տարեկան աճել 140,5 տոկոսով։ Հաշվետու ամսվա ընթացքում զգալիորեն աճել է մեկօրյա այցելությունների թիվը՝ 5 անգամ։

Ըստ Կենտրոնական բանկի՝ 2021 թվականի երկրորդ կեսին Վրաստանում համավարակի զսպման միջոցառումների մեղմացումը և սահմանների բացումը նպաստել են զբոսաշրջության ոլորտի բարելավմանը և օտարերկրյա այցելուների թվի ավելացմանը։

«2022 թվականի ապրիլին այցելուների տարեկան աճը կազմել է 160,1 տոկոս, բայց դա կապված է բազային էֆեկտի հետ, քանի որ 2021 թվականին նույն ժամանակահատվածում զբոսաշրջությունը գործնականում դադարեցվել է։ 2020 թվականի ապրիլի համեմատ՝ 6 անգամ ավելի շատ այցելու է եկել։ Տարածաշրջան այցելուների ավելացման գործում ամենամեծ ներդրումն են ունեցել Ռուսաստանը (30,3 տոկոս), Հայաստանը (29,0 տոկոս), Թուրքիան (18,0 տոկոս) և Ուկրաինան (8,6 տոկոս): Եվրամիության երկրներից այցելուների թիվն աճել է գրեթե 4 անգամ, ինչը 14,1 տ.կ. նպաստել է ընդհանուր աճին։ Մասնավորապես, աճել է այցելուների թիվը Գերմանիայից (2,6 տոկոս), Լեհաստանից (2,2 տոկոս) և Միացյալ Թագավորությունից (1,1 տոկոս): Մնացած երկրներից նկատելի է այցելուների թվի զգալի աճ Բելառուսից, Իրանից և Ղազախստանից։ Ինչպես նախորդ ամսում, հաշվետու ժամանակաշրջանում Իսրայելից այցելուների թիվը դեռևս բարձր է եղել (6,8 տ.կ.)»,- նշել են Ազգային բանկը։