Ապրիլի 8-ը Վրաստանի պաշտպանության ուժերի ազգային գվարդիայի զինվորական ծիսական ծառայության ստեղծման օրն է
Վրաստանի պաշտպանության ուժերի ազգային գվարդիայի զինվորական ծիսական ծառայության ստեղծման օրվանից անցել է 28 տարի։
Պաշտպանության նախարարության տեղեկատվության համաձայն՝ տարեդարձի կապակցությամբ Ազգային գվարդիայի տարածքում տեղի է ունեցել հանդիսավոր միջոցառում։
«Ազգային գվարդիայի ղեկավար, բրիգադային գեներալ Ռոման Ջոխաձեն շնորհավորել է ծիսական ծառայության ներկայացուցիչներին մասնագիտական օրվա կապակցությամբ և ուշադրություն հրավիրել պաշտպանական ուժերում Ազգային գվարդիայի զինվորական ծիսական ծառայության կարևորությանը։
Անցկացվել է նաև զինվորական ծիսական ծառայության ցուցադրական կատարում։ Արարողությանը ներկա են եղել Ազգային գվարդիայի զինծառայողների ընտանիքի անդամները։
Առաջին «Առանձին պատվավոր պահակախումբը» ստեղծվել է 1996 թվականի ապրիլի 8-ին, իսկ 2022 թվականի դեկտեմբերի 23-ին ստորաբաժանումը փոխել է անվանումը՝ դառնալով «Զինվորական ծիսական ծառայություն»։ «Զինվորական ծիսական ծառայությունը» մասնակցում է շքերթներին, տոնակատարություններին, մեծարման արարողություններին, ինչպես նաև դիմավորում և ճանապարհում է բարձրագույն աստիճանի պաշտոնական պատվիրակություններին»,- նշվում է Պաշտպանության նախարարության հաղորդագրության մեջ։