Վրաստանի նախագահ Սալոմե Զուրաբիշվիլիի այցը, որը նախատեսված էր ապրիլի 18-ին Ստրասբուրգ, հետաձգվել է, լրագրողներին հայտնել են նախագահի աշխատակազմի մամուլի ծառայությունից։ Այցի հետաձգման պատճառը չի նշվում։
Ինչպես հայտնի է, նախագահը պետք է ելույթ ունենար Եվրախորհրդարանի առջև։
Վրաստանի նախագահ Սալոմե Զուրաբիշվիլին մարտի 31-ին խորհրդարանում իր տարեկան զեկույցի ժամանակ ասել է, որ Եվրախորհրդարանի նախագահից ստացել է Եվրախորհրդարանում ելույթ ունենալու հրավեր։
«Վերջերս ես ստացել եմ Եվրախորհրդարանի նախագահի հրավերը՝ ելույթ ունենալու Եվրախորհրդարանում, ինչը չի եղել 2010 թվականից ի վեր։ Ապրիլի 18-ին ես ելույթ կունենամ Եվրախորհրդարանում. Ես գիտեմ, որ հեշտ չի լինելու, բայց անհրաժեշտ է, որ Եվրոպան հասկանա և լսի մեր ժողովրդի ասելիքը»,- ասել է նախագահը խորհրդարանին ուղղված իր տարեկան զեկույցում։