Ընդդիմադիր պատգամավոր Սալոմե Սամադաշվիլին, անդրադառնալով քաղաքական կուսակցությունների՝ Օրբելիանիների պալատում նախագահ Սալոմե Զուրաբիշվիլիի ընդունելությանը հրավիրելուն, ասում է, որ ապագան ցույց կտա, թե ինչպես կզարգանան իրադարձությունները։

Սամադաշվիլին կարծում է, որ «ընդդիմությունը պետք է հնարավորություն տա այս գործընթացին»։

«Կարծում եմ՝ առաջին հերթին այսօրվա ընդունելությունը ժեստ է իր կողմից՝ հրավիրել ընդդիմությանն ու մեզ, ովքեր ընդունել են հրավերը։ Թե ինչպես կշարունակվի Վրաստանի նախագահի հայտարարած գործընթացը, ցույց կտա ժամանակը։ Կարծում եմ՝ մենք պետք է հնարավորություն տանք այս գործընթացին»,- ասել է Սալոմե Սամադաշվիլին։

Տեղեկացնենք, որ Վրաստանի նախագահ Սալոմե Զուրաբիշվիլին այսօր ամանորյա ընդունելություն կանցկացնի քաղաքական կուսակցությունների համար։

Նախագահի աշխատակազմի մամուլի ծառայությունից հայտնում են, որ Սալոմե Զուրաբիշվիլին Օրբելիանիների պալատում կհյուրընկալի կուսակցության ներկայացուցիչներին։