ՄԱԿ-ի գլխավոր քարտուղար Անտոնիո Գուտերեշի խոսքով՝ ինքը խորապես անհանգստացած է Լիբանանում դրամատիկ սրացումներով։

«Բռնության այս ցիկլը պետք է դադարեցվի հիմա, և բոլոր կողմերը պետք է նահանջեն։ Կոչ եմ անում կողմերին ամբողջությամբ կատարել Անվտանգության խորհրդի բանաձեւը և անհապաղ դադարեցնել ռազմական գործողությունները։ Նաև ևս մեկ անգամ կոչ եմ անում դադարեցնել կրակը Գազայում և ազատ արձակել այնտեղ պահվող բոլոր պատանդներին»,- նշված է ՄԱԿ-ի գլխավոր քարտուղարի հայտարարության մեջ։

Տեղեկության համար՝ երեկ երեկոյան Իսրայելը հարձակվել է Հեզբոլլահի կենտրոնական շտաբի վրա։ Հարձակման արդյունքում սպանվել է «Հեզբոլլահի» առաջնորդ Հասան Նասրալլան։ Հարձակման արդյունքում Նասրալլահից բացի վերացվել են նաեւ «Հեզբոլլահի» այլ անդամներ, այդ թվում՝ հարավային ճակատի հրամանատարը։