Անտոնիո Գուտերեշի խոսքով, «Ազովստալ» գործարանից, Մարիուպոլ քաղաքից և հարակից տարածքներից տարհանվել է մինչև 500 մարդ
«Ազովստալ» գործարանից, Մարիուպոլ քաղաքից և հարակից տարածքներից տարհանվել է մինչև 500 մարդ։
Այդ մասին «Twitter»-ում հայտնել է ՄԱԿ-ի գլխավոր քարտուղար Անտոնիո Գուտերեշը։
«ՄԱԿ-ի և «Կարմիր խաչի միջազգային կոմիտեի» համատեղ գործողության արդյունքում երկու անվտանգ շարասյուններ հաջողությամբ տարհանել են մինչև 500 մարդ «Ազովստալ» գործարանից, Մարիուպոլից և հարակից տարածքներից։ Հուսով եմ, որ Մոսկվայի և Կիևի հետ շարունակվող համակարգումը կհանգեցնի ավելի շատ մարդասիրական դադարների՝ խաղաղ բնակչության անվտանգ տեղաշարժի համար»,- գրել է Գուտերեշը «Twitter»-ում։