Անշարժ գույքին խարդախությամբ տիրանալու փաստով ոստիկանությունը Քութայիսիում մեկ անձի է ձերբակալել
Ներքին գործերի նախարարության Իմերեթիի ոստիկանության դեպարտամենտի աշխատակիցները խոշոր չափերի գումարի խարդախությամբ հափշտակության մեղադրանքով Քութայիսիում մեկ անձի են ձերբակալել:
Քննությամբ պարզվել է, որ մեղադրյալը Թուրքիայի Հանրապետության քաղաքացուն համոզել է, թե իբր գործարարը 260 000 ԱՄՆ դոլարով գնում է նրան պատկանող տունը: Նա խաբեությամբ կնքել է տվել առուվաճառքի պայմանագիր, որի հիման վրա տունը վերաձևակերպել է հոր անունով և խարդախությամբ տիրացել անշարժ գույքին:
Իրավապահները ձեռնարկված օպերատիվ-հետախուզական և քննչական գործողությունների արդյունքում հանցագործությունը կատարած անձին ձերբակալել են որպես մեղադրյալ:
Քննությունն ընթանում է Վրաստանի քրեական օրենսգրքի 180-րդ հոդվածի 3-րդ մասով, որը նախատեսում է ազատազրկում՝ մինչև 9 տարի ժամկետով:
Տեղեկատվությունը տարածում է Ներքին գործերի նախարարության մամուլի ծառայությունը: