Եվրախորհրդարանի պատգամավոր Աննա Ֆոտիգան ասում է, որ իր Վրաստան ժամանելու պատճառներից մեկը նախկին նախագահ Միխեիլ Սաակաշվիլիին բանտում տեսակցելն է։ Ֆոտիգայի խոսքով, ինքը Վրաստանի արդարադատության նախարարությունից թույլտվության է սպասում Սաակաշվիլիին այցելելու համար և հույս ունի, որ որոշումը դրական կլինի։

«Երկիր իմ ժամանելու պատճառներից մեկը, ի թիվս այլ հարցերի, Վրաստանի երրորդ նախագահ Միխեիլ Սաակաշվիլիին բանտային հիվանդանոց այցելելն է։ Ես այցելության թույլտվություն խնդրեցի և հուսով եմ, որ որոշումը դրական կլինի։ Ինձ մտահոգում է որպես մարդ, ով հաճախակի շփվել է Սաակաշվիլիի հետ, երբ նա նախագահ էր, իսկ ես Լեհաստանի արտաքին գործերի նախարարն էի։ Ընդհանուր առմամբ, ստեղծված իրավիճակից ելնելով, մտահոգիչ են նաև Ռուսաստանի Դաշնության ագրեսիվ գործողությունները Հարավային Կովկասում և իրավիճակը մեր սահմանին Արևմուտքում։ Շատ դժվար ժամանակ է։ Սակայն արդարադատության նախարարության հրապարակած կադրերը մեկնաբանել չեմ կարող։ Ես այստեղ եմ ներկա իրավիճակը գնահատելու համար։ Հուսով եմ, կայցելեմ պարոն Սաակաշվիլիին։ Մինչև չայցելեմ հացադուլի մանրամասների մասին չեմ կարողանա խոսել, այս պահին սպասում եմ արդարադատության նախարարության թույլտվությանը՝ այցելելու համար, ինչը սովորաբար ժամանակ է պահանջում»,- ասաց Աննա Ֆոտիգան։

Միաժամանակ, ինչպես հայտարարել է Եվրախորհրդարանը, ինքը փորձում է Վրաստանին աջակցել միջազգային ասպարեզում՝ թե՛ Եվրամիության, թե՛ ՆԱՏՕ-ի ուղղությամբ։

«Ընդհանուր առմամբ, ես այստեղ եմ, որպեսզի աջակցեմ Վրաստանին, վրաց ժողովրդին և միջազգային ասպարեզում, իմ յուրաքանչյուր քայլով փորձում եմ աջակցել Վրաստանին թե՛ Եվրամիության, թե՛ ՆԱՏՕ-ի ուղղությամբ։ Ինչպես գիտեք, ՆԱՏՕ-ի գլխավոր քարտուղարի կողմից նշանակվել եմ ՆԱՏՕ-ի փորձագետ, և ամեն ինչ վկայում է, որ Վրաստանին պայծառ ապագա է սպասվում։ Հուսով եմ, որ վրացիները եվրատլանտյան ապագայի վերաբերյալ քաղաքական կոնսենսուսի կգան, քանի որ շատ բան կախված կլինի ընդհանուր նպատակների շուրջ համախմբվելու ձեր կարողությունից»,- ասել է Աննա Ֆոտիգան։

Եվրախորհրդարանի անդամ Աննա Ֆոտիգան այսօր այցելել է Վրաստան։