Եվրախորհրդարանական Աննա Ֆոտիգան «Twitter»-ի իր էջում արձագանքել է Նիկա Գվարամիայի համաներմանը։

Ինչպես գրում է եվրոպացի պատգամավորը, սա Վրաստանի կողմից եւս մեկ քայլ է դեպի ապաբեւեռացում։

«Ես ուրախ եմ յուրաքանչյուր քայլից, որ Վրաստանն անում է եվրատլանտյան ինտեգրման ճանապարհին։ Հուսով եմ, որ չնայած վերջին ամիսներին Վրաստանի հետ կապված դժվարություններին, երկրի եվրատլանտյան ինտեգրման ռազմավարական ուղղությունը և ինտեգրման համապատասխան տեմպերը կլինեն Վրաստանի ղեկավարների առաջնահերթությունը։ Վրաց ժողովրդի խիզախ և վճռական արձագանքը, որը մենք տեսանք այս տարվա մարտին, ինձ լավատեսությամբ է լցնում երկրի ապագայի նկատմամբ։ Ողջունում եմ նաև քաղբանտարկյալներից Նիկա Գվարամիայի ներումը։ Սա ապաբևեռացման և ևս մեկ անգամ խոսքի ազատության և լրատվամիջոցների ազատությանն ուղղված հավատարմության կարևոր քայլերից մեկն է»,- գրել է Ֆոտիգան։